Ýakynda Arkadag şäheriniň Taryhy we ülkäni öwreniş muzeýinde «Türkmeniň nusgalyk alabaýy» atly Türkmen alabaýynyň baýramyna bagyşlanyp ylmy-usuly maslahat geçirildi we muzeý gymmatlyklaryndan sergi guraldy. Oňa muzeýiň hünärmenleri hem-de S.A.Nyýazow adyndaky Türkmen oba hojalyk uniwersitetiniň mugallymlarydyr talyplary gatnaşdylar.

Muzeý gaznasyndan guralan sergide milliligimiziň nusgasy bolan el halylarymyz, türkmen alabaýynyň şekili çekilen nakgaşlyk eserleri, heýkelleri, taryhy tapyndylaryň ýüzünde galan itiň aýak yzlary, küýzeler we muzeý gaznasynda saklanýan milli gymmatlyklar görkezildi.