Düýn Arkadag şäheriniň Maliýe we bank toplumynyň binasynda Arkadag şäheriniň häkimliginiň, Türkmenistanyň Kärdeşler arkalaşyklarynyň Arkadag şäheriniň birleşmesiniň bilelikde guramagynda milli manadymyzyň dolanyşyga girizilmeginiň 31 ýyllygy mynasybetli «Türkmen milli manady — ýurdumyzyň ösüşiniň binýady» atly aýdym-sazly baýramçylyk çäresi geçirildi. Oňa «akylly» şäheriň maliýe we bank edaralarynyň, jemgyýetçilik guramalarynyň wekilleri gatnaşdylar.

Berkarar döwletiň täze eýýamynyň Galkynyşy döwründe milli manadymyz ykdysadyýetiň depginli ösüşini, ilatyň ösen ýaşaýyş-durmuş şertlerini alamatlandyrýar. Bular dogrusynda baýramçylyk çäresinde uly buýsanç bilen bellenildi.