Ýakynda Berdimuhamet Annaýew adyndaky Arkadag şäher mugallymçylyk orta hünär okuw mekdebiniň we «Arkadag» gazetiniň redaksiýasynyň bilelikde guramagynda maslahat geçirildi. Oňa orta hünär okuw mekdebiniň mugallymlary, talyplary hem-de köpçülikleýin habar beriş serişdeleriniň wekilleri gatnaşdylar.

Täsirli geçen maslahatda çykyş edenler Berkarar döwletiň täze eýýamynyň Galkynyşy döwründe her ýylyň mynasyp atlandyrylýandygyny buýsanç bilen nygtadylar. Üstümizdäki ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýen şygarynyň halkymyzy, Watanymyzy bedew bady bilen ösüşlere atarjakdygyny, şunda Milli Lidermiziň hem-de hormatly Prezidentimiziň belent tutumlarynyň ähmiýetini bellediler. Gahryman Arkadagymyzyň «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» atly gymmatly eserlerinden parasatly jümleleri mysal getirdiler. Halkymyz «At agynan ýerde toý bolar» diýýär.

Arkadag şäheriniň hem her bir güni şatlykly wakalara, toý-baýramlara beslenýär. Çünki bu ýer şabaz bedewleriň mekany.

Ýylyň şygary halkymyzyň milli mirasyna uly sarpa goýýandygyny görkezýär. Wagyz-nesihat çäresiniň dowamynda gadamy batly bedewlerimiziň şöhratyny dünýä ýaýmakda yzygiderli tagallalary edýän Milli Liderimiziň we hormatly Prezidentimiziň janlarynyň sag, ömürleriniň uzak, işleriniň rowaç bolmagy arzuw edildi.