Arkadag şäheriniň adybir futbol topary ýurdumyzyň Ýokary ligasynyň çäklerinde iki duşuşyk geçirdi. Anna gününde birinji oýun üçin meýdança çykan topar «Nusaý» stadionynda «Aşgabat» bilen duşuşdy. 23-nji tapgyryň bu oýnunda Arkadaglylar üç jogapsyz gol bilen ýeňiş gazandy.

Duşuşykda ilkinji gol birinji ýarymyň ahyrynda hasaba alyndy.

Arkadaglylardan toparyny öňe saýlan Ylýas Çaryýew boldy. Ikinji ýarymda-da oýnuň depginini gowşatmadyk «akylly» şäheriň toparynyň soňky gollaryny 50-nji minutda Arslanmyrat Amanow, 56-njy minutda Altymyrat Annadurydyýew atlaryna ýazdyrdylar. Düýn «Arkadag» ikinji duşuşygyny geçirdi. Çempion topar 24-nji tapgyryň çägindäki oýunda öňki meýdançada Aşgabadyň ýene bir topary «Köpetdag» bilen synaga çykdy. Boýdan-başa netijeli oýun görkezen «Arkadag» topary duşuşykda 5:1 hasabynda ýeňiş gazandy.