Gahryman Arkadagymyzyň: «Biziň haýsydyr bir jogapkärli işe başlanymyzda halkymyz bilen maslahat-geňeş edip, onuň pikirine esaslanmak ýaly ajaýyp milli däbimiz bar» diýen dürdäne setirleri ata-babalarymyzdan şu günlere miras galan milli baýlyklarymyzyň, däp-dessurlarymyzyň, urp-adatlarymyzyň häzirki döwürde täze röwüşde mynasyp dowam etdirilýändigini görkezýär. Golaýda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Halk Maslahatynyň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň nobatdaky mejlisini geçirmegi hem munuň aýdyň beýany boldy.

Gahryman Arkadagymyzyň belleýşi ýaly, ýurdumyzda kabul edilen maksatnamalary ýerine ýetirmäge halk köpçüligini giňden çekmek, teklipleri işläp taýýarlamak, halkymyzyň agzybirligini, jebisligini, asudalygyny, abadançylygyny berkitmäge hem-de Garaşsyz, hemişelik Bitarap Watanymyzyň mundan beýläk-de gülläp ösmegine ýardam bermek Türkmenistanyň Halk Maslahatynyň baş maksady we esasy wezipesi bolup durýar. Bu maksat bolsa, şanly Halkara parahatçylyk we ynanyşmak ýylynyň 19-njy sentýabrynda geçiriljek Türkmenistanyň Halk Maslahatynyň mejlisiniň ýurdumyzyň täze taryhyna altyn sahypalar bilen ýazyljakdygyny äşgär edýär.