12-nji dekabrda paýtagtymyz Aşgabatda hormatly Prezidentimiziň hem-de Gahryman Arkadagymyzyň gatnaşmagynda Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli ýokary derejeli halkara forum geçirildi. Oňa dünýä döwletleriniň, halkara we sebit guramalarynyň ýokary derejeli wekiliýetleri gatnaşdylar. Onda hormatly Prezidentimiz hem-de Gahryman Arkadagymyz çuň manyly çykyş etdiler. Bu forum uzak geljege gönükdirilen dogry, durmuşa ukyply geosyýasy we ykdysady ugurlary kesgitledi.